從⋯異世界 (已結業)

從來都未試過女僕cafe，印象中覺得呢類cafe好得意，最近見呢間女僕cafe新開業，而且位置係銅鑼灣，非常方便，放工就同朋友一齊來食本來以為女僕cafe只係d侍應著女僕服裝，睇個餐牌先知有咁多花樣，個套餐包埋同女僕影即影即有。最得意係呢度叫女僕侍應係搖檯上嘅噹噹，每當上菜嘅時候都要跟女僕唸咒語，飲品同甜品選擇有好多，我地叫左開掛人生套餐小確幸 & 未聞花見兩款都係士多啤梨奶昔，未聞花見係配芒果，而小確幸係配香蕉，兩款飲落都好有水果鮮味，而且唔太甜，個人比較喜歡小確幸！蛋包飯蛋包飯上嘅時候係無番茄醬，女僕會問你想畫咩圖案，或者比佢地自由發揮。蛋包飯嘅蛋炒得幾滑，飯混和左粟米同煙肉，配上番茄醬，酸酸地十分開胃。士多啤梨聖代 、冧酒提子聖代兩款雪糕質地都好軟滑，味道都好好食！食完最後仲可以同心水女僕影返張即影即有！雖然呢度食物款式唔算多，但女僕cafr主打都係個體驗，鍾意動漫或者未試過呢類cafe嘅都可以來體驗下！