米串咀 (已結業)

呢間小店喺阿妹公司附近，佢趁今日返半晝，就外賣返屋企試吓。香辣雞煲罐頭飯雞煲用罐頭裝住，我都第一次見！！飯同雞分開放，相當細心，值得一讚！外賣返到屋企微微暖，個罐頭係易開果種。雞件都算多，雞肉唔會碎濕濕，辣味幾香，唔算係超辣，辣完會有少少麻，個汁撈飯幾唔錯。冷串串套餐咁叫，選左8串：年糕、風琴串、章魚丸、脆皮腸、雞翼尖、豬皮、水魷魚、魚腐。可以選紅油麻辣味或藤椒味…….阿妹選左後者，汁是重點，所以一定將竹籤上面嘅冷串，浸喺醬汁度，等佢吸晒汁先食！沾料有一包油碟，一包乾碟（粉）。冷串串初體驗，覺得幾得意，藤椒味香而不辣，咩人都食到，冷串料方面，特別喜歡水魷魚，爽口彈牙！