影片
更多
2019-03-24
410 瀏覽
今日去元朗探朋友，未夠七點我地兩個餓底就喊餓要食嘢😅😅。朋友住元朗西鐵站上蓋，最快梗係去yoho mall 醫肚😆😆。呢度好多食肆，但我地兩個唔好辣既人竟然揀左响yoho mall 2樓既覇王川莊，只因被佢門口”有辣有不辣”既宣傳吸引，諗住既可試下川菜、又唔怕食唔到辣，何樂而不為？！時間雖早，但今日係星期六，餐廳已經八成滿。因為我地泥之前已用apps攞飛，所以去到就差不多有位了，等左5分鐘左右，好快！用餐時間90分鐘，入坐開始計⏳⏳一入到去坐低，待應小姐就立刻俾左QR code 我地，原來呢度係用apps落單的。朋友一個箭步就scan 左QR code 睇電子menu，我就繼續睇實體menu，一人睇一個，非常合拍，又有效率👍🏻👍🏻。雖說電子落單，但都唔係話無人理你。話說我地想叫脆皮黃金鴨，見電子版寫住售罄，又口多多問下待應小姐係咪賣哂(心諗唔識字咩，售罄咪即係買哂囉☹️☹️)，點知待應小姐好細心話我地知原來仲有，不過製作時間45分鐘，ok的話，可以幫我地落單。但我地兩個餓底唔等得，決定叫第二樣👌🏻👌🏻呢度上菜好快，落單幾分鐘，紅噹噹的成都水煮鮮魚片就上場了。我地揀左辣度1 (1-5度，5最
呢度好多食肆，但我地兩個唔好辣既人竟然揀左响yoho mall 2樓既覇王川莊，只因被佢門口”有辣有不辣”既宣傳吸引，諗住既可試下川菜、又唔怕食唔到辣，何樂而不為？！
時間雖早，但今日係星期六，餐廳已經八成滿。因為我地泥之前已用apps攞飛，所以去到就差不多有位了，等左5分鐘左右，好快！用餐時間90分鐘，入坐開始計⏳⏳
一入到去坐低，待應小姐就立刻俾左QR code 我地，原來呢度係用apps落單的。朋友一個箭步就scan 左QR code 睇電子menu，我就繼續睇實體menu，一人睇一個，非常合拍，又有效率👍🏻👍🏻。雖說電子落單，但都唔係話無人理你。話說我地想叫脆皮黃金鴨，見電子版寫住售罄，又口多多問下待應小姐係咪賣哂(心諗唔識字咩，售罄咪即係買哂囉☹️☹️)，點知待應小姐好細心話我地知原來仲有，不過製作時間45分鐘，ok的話，可以幫我地落單。但我地兩個餓底唔等得，決定叫第二樣👌🏻👌🏻
呢度上菜好快，落單幾分鐘，紅噹噹的成都水煮鮮魚片就上場了。
我地揀左辣度1 (1-5度，5最辣)，另選四款免費配料凍豆腐、鮮腐竹、豬紅同茶樹菇。鮮魚片好滑好香，配料好足，兩個人叫個例牌剛剛好。辣度1，少少辣，岩哂我地兩個。其實貴少少可以選擇成都水煮桂花魚，免費配料就有24款甘多，實有一款岩口味。唔夠食仲可以加錢揀不同的配料，選擇豐富。 （$198）
仲enjoy 緊水煮魚既時候，另外兩個菜已經陸續上枱。一個係奶油扒娃娃菜($73)，第二個係覇王辣子雞。老實說，平時出街真係唔會叫娃娃菜，不過今次係奶油扒，諗住萬一啲餸太辣都有呢個餸中和一下，點知呢個菜又的確幾好食，唔會太膩，值得一試😋
至於覇王辣子雞($135)，好香口，愈食愈想食，用泥配啤酒慢慢嘆真係一流🤤🤤 。呢個菜辣度3，對我地泥講已經幾辣，食幾口就要飲啖八寶茶送下。
茶位每人$11
整體而言，今晚幾款菜式都不錯，坐得舒服，服務良好，可以下次再泥試埋其他菜式。
張貼
