影片
更多
2021-01-09
4277 瀏覽
其實不是第一次幫襯，今次為大家寫一下經驗吧！ 由於疫情下禁止晚市堂食，唯有食午餐（咦，原來照course數係7度，哈～ 大吉利是！） 1. 頭盤係海膽魚子多士，味道非常豐富，魚子鮮味很出，幾乎蓋過海膽味，多士鬆脆唔乾，好好味！ 2. 高湯內含蘿蔔雞肶菇和藍龍蝦－高湯味超濃，濃到有啲似“師傅湯”，連菊花瓣一齊飲，味道變得不一樣；蘿蔔又冧又入味；但雞肶菇就爛劈劈 菇味道古怪，唔鍾意；藍龍虾就5成熟，好滑好鮮甜。 3. 三款sashimi － • 木鯛包昆布：昆布硬如塑膠，口感不好，汁又太酸• 一貝類（類似象拔蚌，但唔記得咗），配柚子汁，好爽口但也是汁太酸• 深海池魚，又係得個酸字佢話師傅故意唔用Wasabi ，避免令味覺遲鈍，但對我來說酸蓋過了魚味，不甚可口。 4. A4和牛，5成熟，底層煎至全，正好令到口感不會太油膩，配了三種醬：牛骨熬的汁（鹹咗少少），洋蔥醬（好甜我鍾意），黑蒜醬（混入洋蔥醬一齊食味道剛剛好）。 朋叫了wine pairing ，有4杯sake ，全是較特別的（不過我對酒無研究，唔扮識了），這和牛配了aged16年的原酒，忌廉汽水咁嘅淡黃色，叫原酒係因為沒有經過消毒過
由於疫情下禁止晚市堂食，唯有食午餐（咦，原來照course數係7度，哈～ 大吉利是！）
1. 頭盤係海膽魚子多士，味道非常豐富，魚子鮮味很出，幾乎蓋過海膽味，多士鬆脆唔乾，好好味！
2. 高湯內含蘿蔔雞肶菇和藍龍蝦－高湯味超濃，濃到有啲似“師傅湯”，連菊花瓣一齊飲，味道變得不一樣；蘿蔔又冧又入味；但雞肶菇就爛劈劈 菇味道古怪，唔鍾意；藍龍虾就5成熟，好滑好鮮甜。
3. 三款sashimi －
• 木鯛包昆布：昆布硬如塑膠，口感不好，汁又太酸
• 一貝類（類似象拔蚌，但唔記得咗），配柚子汁，好爽口但也是汁太酸
• 深海池魚，又係得個酸字
佢話師傅故意唔用Wasabi ，避免令味覺遲鈍，但對我來說酸蓋過了魚味，不甚可口。
4. A4和牛，5成熟，底層煎至全，正好令到口感不會太油膩，配了三種醬：牛骨熬的汁（鹹咗少少），洋蔥醬（好甜我鍾意），黑蒜醬（混入洋蔥醬一齊食味道剛剛好）。
朋叫了wine pairing ，有4杯sake ，全是較特別的（不過我對酒無研究，唔扮識了），這和牛配了aged16年的原酒，忌廉汽水咁嘅淡黃色，叫原酒係因為沒有經過消毒過濾等正常工序，有點似whiskey 的香味，幾得意。
5.松葉蟹意大利飯，用芝士煮，撒上少量炸過的野米增加口感，的確脆脆地幾特別，意日fusion ，有超濃的蟹腥味但不是難受的腥味，中間有一層陳醋泡泡好鬼鹹，但總括來說是可口的。
6. 甜品有點古怪，佢話係蕃茜蓉墊底（但明明係蕃薯蓉），上面放了焦糖舞茸菇，焦糖雪糕，蕃茜根脆片，伴以杏仁泡泡，雖然有點古怪，但可以話有特色。
7. 蜜糖茉莉茶加入梨蓉，好鬼酸，有創意又好看可惜唔好味，另有紅桑子啫喱底部加沾了酸粉，味道竟然很有層次，甜酸苦都齊。
份量唔多，正好不會太飽，但咖啡／茶欠奉，有點不完滿，上次晚餐present 很精緻的茶，反正無晚市，我覺得可以收晚餐價當晚餐咁serve。
張貼
