La Postre (荃灣廣場) (已結業)

年初三，特登冇食午餐，希望減少一些卡路里吸收，但只食下午茶甜品，哈，就是我的飲食logic. 一心想食甜品，所以在荃灣廣場上，找一些可以有甜品吃的餐廳。最後選了位於B1層的La Postre. 試了，抺茶麻薯窩夫，無花果多士，精選咖啡，及蜂蜜玫瑰茶。食物賣相可以，但出品只是一般而已。因為我們點的食物，都算是低技術的菜式，卻有種感覺＂自己整，可能都好味過佢＂。窩夫比較乾，窩夫內的麻薯餡不出色，本來以為冇餡添。配糖漿，抹茶雪糕及紅豆蓉，糖漿及紅豆蓉過甜，抺茶雪糕沒有抹茶味。旁邊的抹茶Brownie.... 可以不吃。整個窩夫，除了見到有綠色外，並不覺得有抹茶味。但影相，還是可以的。無花果多士，多士似餅乾，似克力架餅乾，脆口。食落，亦不覺得自己在吃無花果，有點可惜。旁邊配一點點合桃，但可惜它有＂益＂味。反而，蜂蜜玫瑰茶，玫瑰香味足夠，算是十分不錯，精選咖啡亦還可以。