尚宴21

營業中

休息中

同阿嫲同佢d朋友去飲茶，佢地提議去尚宴。之前試過晚飯一般般，但都可以試下午市既點心。鳳爪排骨飯個飯唔係原盅入面蒸熟，所以唔夠煙韌乾身，無咁好食。炸蝦角入面d蝦幾彈牙，調味幾好，炸得超脆又不算太油。燒腩仔個皮夠脆又鬆化，肉質ok，不會太咸，好怕d咸到hihi既燒肉。我本身好中意食蘿蔔絲酥餅，去到邊都會嗌，見到有當然又要試下。酥皮不算太油膩，但蘿蔔絲太幼，係爽脆唔係久煮後既嗰種口感，調味頗清淡。呢間食得出係無味精，調味整體幾清淡，但味道同賣相都有進步空間。