Rustic Eatery

營業中

休息中

朋友好大力咁推介嚟呢一間試下，咁就即管聽下佢講啦。一行四人叫咗個牛雞魚意，可惜無影到佢個乜嘢al ajillo定aglio e olio今日嘅湯係青豆湯，無cream。處理得好好，有青豆味但唔會有青豆嘅草青味。但鍾意青豆嘅草青味嘅話呢個湯就唔啱你喇。Set Lunch跟嘅麪包正正常常。只係我唔太鍾意佢用嗰隻牌子仲要獨立包裝嘅牛油。佢flank steak medium 其實整得幾好牛腹肉一唔覺意整過龍就會用嚟練牙力整得唔好又會齒唔開…而家餐廳就唔同，夠稔身得嚟又唔會太煙韌三文魚，外皮煎到香香脆脆魚肉熟嘅程度啱啱好。其實呢間餐廳仲有wine and cocktail，即係因為我下昼去所以先無叫。見佢仲有吧檯，下次去有機會都想坐下吧台飲下酒傾下計。服務幾好，侍應好客健談。冇乜甩漏。