Rustic Eatery

營業中

休息中

5/5 over all 👍We ordered 4 starters, beef carpaccio, chorizo, crab cake, blood sausage and seafood pappardelle as main and finished with a yummy carrot cake. Overall the foods are really good and the cocktails we had are excellent.We were the regular customers for the previous restaurant here but so sad they have to close down Now happy to have this new one with great taste and good presentation. I like the atmosphere here.

今日經朋友介紹嚟到食野飲酒，去到先醒起有個friend 係vegan老闆好好人，同我地介紹唔少特色菜品，地點方便，味度無可挑剔，一定要試佢個海鮮湯！佢大碗到成個mini 部隊窩咁，最緊要係佢個青口，平時係香港食青口，一定係實的的，不過佢嘅青口竟然係嫩口嘅！必食推介

朋友好大力咁推介嚟呢一間試下，咁就即管聽下佢講啦。一行四人叫咗個牛雞魚意，可惜無影到佢個乜嘢al ajillo定aglio e olio今日嘅湯係青豆湯，無cream。處理得好好，有青豆味但唔會有青豆嘅草青味。但鍾意青豆嘅草青味嘅話呢個湯就唔啱你喇。Set Lunch跟嘅麪包正正常常。只係我唔太鍾意佢用嗰隻牌子仲要獨立包裝嘅牛油。佢flank steak medium 其實整得幾好牛腹肉一唔覺意整過龍就會用嚟練牙力整得唔好又會齒唔開…而家餐廳就唔同，夠稔身得嚟又唔會太煙韌三文魚，外皮煎到香香脆脆魚肉熟嘅程度啱啱好。其實呢間餐廳仲有wine and cocktail，即係因為我下昼去所以先無叫。見佢仲有吧檯，下次去有機會都想坐下吧台飲下酒傾下計。服務幾好，侍應好客健談。冇乜甩漏。

有次朋友帶我來食呢間新餐廳在銅鑼灣時代廣場內街 覺得呢間餐廳水準值得推薦一下沙律大大兜 青口好入味！夠鮮甜！黑松露雞肉意粉都好香好好食！超級多黑松露醬！特色蛋糕都好食有驚喜 紅蘿蔔蛋糕！

今次是第二次到訪！餐廳開業3個月左右，走別緻小餐館格調，泥水牆上掛滿畫作，細味字句搞笑😆，整體氣氛閑適不拘𧫴，無論朋友聚會或情侶約會都適合，尤其是沒有用餐時間限制，可以慢慢品酒食嘢傾計。（餐廳暫時未有酒牌，客人可以自己帶酒。）餐廳老闆夫婦由南美回來，在當地也是經營餐館。據健談的老闆娘介紹，餐廳所有食品都是現場廚房出品，甜品也是自家烘製，所以食品款式和食味跟香港一般西餐有驚喜！今次番點了2個前菜，分別是烤八爪魚鬚和烤香蕉，也叫了慢煮雞胸凱撒沙律，雞胸juicy 沙律菜新鮮（刀口冇黃應是現切），主菜叫了烤牛扒（熟度掌控理想，伴碟的千層薯是功夫菜吧！配3個自家製醬汁增添食味），另加一客烤豬扒，燉海鮮和黑松露雞肉忌廉意粉，全部都好味清碟！最後也番點了他們的西班牙油條，是我吃過的最好味，為我們的晚餐畫上完美句號

初嚐這家在銅鑼灣的新餐廳。 老闆娘熱情好客，帶著在南美洲的營餐和廚藝回港！吃了牛扒，雞，和其他菜式。味道非常好。值得一試！ 氣氛帶著舒服感覺。小朋友特別喜歡甜品Churro！

由外地回流家庭式餐館。頭盤一個簡簡單單雜菜沙律，出奇地有味道（不像一般餐廳牛吃草的感覺😅）主餐chicken pasta: 新鮮手做pasta，口感非常之好！整份pasta 由presentation 、到口感、到味道都非常之好，值得一讚！整個餐牌選擇不多，但係相信貴精不貴多。甜品有五至六款，店主話都是自己做的。今次只是食午餐沒有叫甜品，下次一定要試試。餐館裝修舒適美觀，但我坐近牆邊位，吹正冷氣風口，如果能加塊擋可能會好一點。除此之外，服務一流！Very friendly!

這間銅鑼灣新開西餐廳，俾我發現有南美洲燒香蕉食，聽餐廳侍應介紹，原來餐廳廚師係南美洲華僑回流香港，所以餐廳食物帶有南美洲風味😋😋😋，果然有驚喜😍##烤大蕉用了芝士，合桃同蜜糖烤焗出嚟，說真的，這個菜式侍應特別推介給我們，因為是廚師特別硏制出嚟適合香港人口味，有別於一般傳統南美洲的煎大蕉，對於一個香蕉控的我，在不妨一試的心態上，這菜式果然有驚喜😍😍##烤雞好Juicy, 香料醃制同其他餐廳烤雞味道不同，薯條好脆，成個菜式味道不錯😍😍##煎爐魚很特別，魚皮好脆，但魚肉又唔會乾曾曾，真係估唔到甘好食😋😋##海鮮湯係餐廳另一推介，碗湯一上我即刻嘩一聲，好多海鮮呀，啲海鮮總要好新鮮，原來係廚師每日到街市選購，新鮮煲出嚟，唔怪之得甘鮮甜🤤🤤今次試唔晒餐牌既食品，下次一定再嚟試埋其他👍👍👍