Ruên Thai & Vietnamese

營業中

休息中

呢間越泰菜餐廳，食物充滿風味又好味，價錢合理，值得一試😋泰式乾炒豬肉河粉 $138，呢個河粉炒得好乾身，鑊氣十足！豬肉夠腍，唔會韌，而且份量都幾多。醬汁夠味，鹹甜適中，帶有少少辣味。河粉夠晒爽口彈牙，唔會黏在一起，整體唔錯！炭燒香茅西冷牛肉 $138，西冷牛肉燒得啱啱好，外層微微焦香，內裡肉質嫩滑，充滿肉汁。香茅嘅香味滲入牛肉之中。配菜簡單，但係唔會搶去牛肉嘅風頭，整體平衡感十足🍢鹽焗燒羅非魚 $238，呢個價錢食到鹽焗燒羅非魚，性價比算高！魚肉鮮嫩，而且完全無泥味。鹽焗嘅做法令到魚肉保持水分，唔會乾爭爭。魚皮脆卜卜，魚肉又滑溜。泰式椰菜苗 $108，椰菜苗爽脆清甜，而且份量都幾多，夠晒抵食。