波記(大排檔) (已結業)

突然發現人生未試過食大牌檔碟頭飯，有日咁啱要去中環，就順便搵間大牌檔試試佢😛呢間波記喺樓梯中間，地方唔算大、廚師都係得一個，但好多「西裝友」喺度等外賣，相信啲食物都唔錯，而且平均$40左右就有交易，感覺性價比幾高👍🏻作為碳水化合物嘅終極愛好者，我揀咗蝦醬炒飯($42)，一炒起已經聞到陣陣香味，加埋大大個火爐令我非常期待呢碟鑊氣十足嘅炒飯🤩炒飯嘅料有火腿、蛋、蔥同辣椒，第一啖已經感受到滿滿嘅咸香，辣味亦令炒飯更豐富😋可惜蝦醬味唔重、而且鑊氣好似爭咗啲，米飯略嫌未夠乾身，但勝在粒粒分明，咸味亦唔會不斷累積😉而且每碟都好大份，細食嘅女士可以叫少飯，不過難得放肆，當然要食盡情啲，唔洗10分鐘清曬成碟🤪朋友叫咗乾炒牛河($40)，竟然有大大條菜心，而且冇芽葉，只有少量韭菜，口感比較單一，似菜遠牛河多啲😂河粉偏甜、冇咩咸味，顏色亦偏淺，調味料上可能需要調整下(雖然大牌檔都係好隨意🤣)牛肉同河粉嘅質地就正常👌🏻