波記(大排檔) (已結業)

#波記大排檔 一直都想去依度試吓，之前都有人介紹話依度 #乾炒牛河 好食。十一點半開門，準時去到已經有幾個客，牛河話咁快就到。望落色水好似一般，而且唔覺有煙出，唔通中伏🤔一夾開河粉，煙就係咁攻出來👍 果然係鑊氣十足，食落口都好正，河粉味道唔會過咸，而且夠滑身，食落仲有少少甜味🤪牛肉都好食，有大有細，夠滑唔會乾柴烈火，食落質感同一般牛河有分別，牛味夠，正❤️唯一要挑剔係傳統做法比較多油，多食無益。依類排檔買少見少，唔嫌環境真係可以一試，中環$42食到大碟好食牛河好抵👍波記(大排檔)中環士他花利街@foodiehck2022 #港飲港食平靚正 #中環美食 #小店 #大排檔 #香港特色

中環波記大排檔 X 水記先去完水記Omakasee, 太座要去ZAXX 振興經濟，有半粒鐘偷跳，相信所有男士都會認為今次仲唔係「飛雲」「笑」 ， 依家要喺港島區搵到一間午市可以即叫即炒大排檔格局真係唔易搵，橫掂都要食味精，我梗係做返個淑女揀番個靚地方「食景」啦、仲要佢有冷巷格局、加上今日烏雲密佈，完全係一個杜琪峰大排檔。格局贏晒，我就鍾意有四個婆婆好有士氣地坐鎮和藹親切多過坐喺高級地方Fine Dine，食得自在舒服今日叫咗個男人的浪漫、椒鹽火腩飯加隻燶邊太陽蛋炒底、好唔好食其次，（J) 完 相之後熱力仲十足，食落去熱辣辣、炒飯粒粒分明，燒腩個皮仲要有少少脆邊，略帶肥肉，再加上啲椒鹽、佐飯朋友，幾唔好食都會變得好食、天時地利人和全部都齊、盛惠$56，雖然後尾加咗張美珍香牛肉乾，30分鐘的浪漫320，通脹關係，我相信男士們的30分鐘浪漫現時不只320 （ 笑）

這天，剛好經過中環街市附近某條後巷，看到爐火洪洪，十零度低溫之下廚師穿短袖炒到身水身汗，炒出來的炒粉麵飯鑊氣騰騰，就知道，即使環境像水記一樣惡劣，也要一試。乾炒牛河 $40 (8.5/10)吃過不少中高價的乾炒牛河，用什麼靚牛肉，都不外如是。乾炒牛河這種小炒，很簡單，不外乎就是鑊氣，鑊氣，鑊氣。河粉炒得乾爽，條條分明。每條河粉、牛肉、芽菜，都充滿火辣的鑊氣。即使下了很多油，底部也不會「油浸」，因為新鮮出爐，即叫即炒即食，油連慢慢沉底的機會也沒有。返樸歸真，乾炒牛河就是這麼簡單。總評：中環原來也有$40的堂食。鑊氣十足，質素不俗，乾炒牛河更勝中高價餐廳出品。

天氣開始涼番啲就可以喺街邊食嘢，去左一間隱藏喺樓梯裏面嘅大排檔，見到大廚一個已經覺得好有鑊氣🤪呢度主要都係食各式嘅碟頭飯，價錢經濟實惠，喺中環已經係買少見少呢一啲大排檔🥲最好坐當然係廚房上面嘅位置，但每一次去到都係坐滿左，所以只可以坐廚房下面嘅位置但係油煙味就比較重。買外賣嘅人都會好多，你間大排檔喺中上環區都算好受歡迎，因為性價比好高🤩炒底椒鹽豬扒飯($55)生蒜頭🧄辣椒🌶️洋蔥🧅豆瓣醬，四樣都好重口味嘅嘢加埋一齊，炒出鑊氣，加埋炒左底嘅飯同豬扒，真係好好食😝。豬扒好濕潤，飯亦都唔會過淋，加埋啱啱好，不過如果個飯可以在乾啲同成碟熱翻啲嘅話會仲好食。我諗應該都係炒好放左陣先上枱🥲乾炒牛河($40)之前食呢個乾炒牛河會有菜心就冇芽菜，而今次食呢個款就有芽菜冇菜心🥬，真係幾隨心😂每一條河粉都令立立充滿油，初初食落口都幾好味，但係食到中段開始覺得有啲油膩感，牛肉同埋河粉口感都係正常發揮。其實兩碟都好大碟，如果細食嘅女仔絕對一點可以兩份食😂但係我就自己食晒一碟🤪推薦？🟡🟡🟡🟡⚪️好食，但係衛生情況一般，不過公司喺附近就建議買返公司食。另外，如果想去食嘅話要留意番時間因為佢下晝同晚上係唔開嘅。

突然發現人生未試過食大牌檔碟頭飯，有日咁啱要去中環，就順便搵間大牌檔試試佢😛呢間波記喺樓梯中間，地方唔算大、廚師都係得一個，但好多「西裝友」喺度等外賣，相信啲食物都唔錯，而且平均$40左右就有交易，感覺性價比幾高👍🏻作為碳水化合物嘅終極愛好者，我揀咗蝦醬炒飯($42)，一炒起已經聞到陣陣香味，加埋大大個火爐令我非常期待呢碟鑊氣十足嘅炒飯🤩炒飯嘅料有火腿、蛋、蔥同辣椒，第一啖已經感受到滿滿嘅咸香，辣味亦令炒飯更豐富😋可惜蝦醬味唔重、而且鑊氣好似爭咗啲，米飯略嫌未夠乾身，但勝在粒粒分明，咸味亦唔會不斷累積😉而且每碟都好大份，細食嘅女士可以叫少飯，不過難得放肆，當然要食盡情啲，唔洗10分鐘清曬成碟🤪朋友叫咗乾炒牛河($40)，竟然有大大條菜心，而且冇芽葉，只有少量韭菜，口感比較單一，似菜遠牛河多啲😂河粉偏甜、冇咩咸味，顏色亦偏淺，調味料上可能需要調整下(雖然大牌檔都係好隨意🤣)牛肉同河粉嘅質地就正常👌🏻

來到波記，當然要食留一客乾炒牛河！大排檔風味，味道就是「隨心」，今次食，FEEL到廚子既甜，應該糖既比例多了。加埋廚子的一個「噴嚏」，點滴在心頭。今次失望，但也期待下次吃回當初的味道！

一眼就望到大廚既鍋同大火，就知道我黎啱咗地方，唔晒審，一定係人人都讚有鍋氣的波記大排檔！一坐低，非常友善的老伙計就行過黎遞餐牌。我好快就決定嗌椒鹽豬扒飯➕炒底。等左一陣，終於上菜。哇 首先，上菜之前，我已經發現其他人嘅乾炒牛河同埋芙蓉煎蛋。應該係熱點。同埋我個位，正正可以睇到大鍋+大廚手勢+大火，果然名不虛傳，信心十足。又講反我眼前既椒鹽豬扒。豬扒係再用辣豆瓣醬炒過，味道到位，可惜炒底唔夠熱，相信先前已經炒好放一邊。 不過，佢係好值得推介既舊式大排檔。份量勁大，一個飯/麵可以兩個人食。我見好多人都食唔嗮，有滴浪費好可惜。大家下次要去食，記住帶飯盒，可以打包拎走。順便提倡環保意識一定會再黎幫襯！下次要拉同事一起來食乾炒牛河+芙蓉煎蛋！

今日放lunch諗唔到，食咩行行吓見到依間大排檔都幾多人食，就諗住試吓，見佢鑊氣都好似幾足就叫咗個咖喱炒飯。嗌完之後，唔使2分鐘就上碟。果然適合繁忙嘅中環人。可能因為午市要炒得多，我見佢30秒炒一個飯都冇停過手。食第一啖覺得鑊氣都幾夠咖喱味都重但係啲飯就濕咗少少。但係以40蚊嘅價錢來講。係依一區都尚算抵食。環境服務就唔好要求太高當嘗試一下香港本地風味都幾好。

中上環的小巷隱藏了為數不少的大排檔，也是屹立於香港的多年的老店，見證香港的時代變遷。每日只做三小時，星期日休息，即使是附近上班也未必知道這間店。在疫情期間就不在大排檔光顧，而是外賣回公司吃。環境：完全保留舊時代的痕跡，木桌膠椅，不過沒有多大的油煙，應該是裝了抽油煙機，雖然見到廚師在大炒大起，但不見有任何油煙瀰漫的情景。廚房正在小巷的中間，座位就在樓楊間，有幾把大陽傘遮光擋雨。乾炒牛河$40主要提供炒粉麵飯，只有一碟頭，份量充足，絕對吃到飽足。牛肉炒得保持幼嫩，掌握火候的時間很好，但放得太多油了，畢竟現在是講究健康時代，吃完後見到一層油，吃到最後是感到油膩。雖然是乾炒，但河粉依然是濕潤，炒得不夠乾，雖然是很香帶有鑊氣，但油太多的緣故，河炒就疊在一起了。不過在這此地區，以一個那麼便宜的價錢飽餐一頓，絕對性價比高。

今日同朋友出去搵野食，佢話不如去中上環食大排檔，露天既。熱死辣辣搞啲咁既野 .. 不過朋友話想慳d 錢，冇計就跟佢走番轉。去到橫巷就見到呢間大排檔，原來有幕遮頭，而且有把大風扇，坐得浪爽，唔會曬到。見到個廚炒野，已經feel 到陣鑊氣，即刻點番個乾炒牛河試試。上菜，河粉望落唔會油"鈴鈴",份量都夠。食落河粉夠入味，辣椒醬一般，牛就都係落得太多鬆肉粉。整體我覺得好okay, 呢碟河粉好過好多茶記多多聲。埋單$40,真係抵到爛，又唔洗等位。推薦係中環中心附近既人黎食，外賣堂食都得！

請原諒把紅色太陽遮搞到張相變左紅色😂呢間大排檔一路都想去朝聖一下估唔到我偏偏揀左咁熱嘅今日🌞建議大家天氣陰d涼d先去💁/本身自己鍾意食椒鹽豬扒🐖見網上啲人推介要叫炒底 意思姐係白飯就變炒飯💲54黎到一睇就覺得非常吸引😍豬扒好細心切到一條條 好方便放入口 唔驚整到成臉污糟炒飯粒粒分明 啲蛋又幾香☺️/不過呢度嘅椒鹽豬扒係比較濕嘅🐷比較多汁 餸飯好岩👍中間仲有少少蒜頭 炒得好香😋但我本身預佢係乾身 所以都有小失望不過呢個價錢黎講 算係幾高質🤔😁👍我今日唔好彩 仲有人係度食煙吹晒過黎🤢黎開呢頭可以試下 但就唔需要特登黎食喇🙆‍♀️/中環 - 波記

朋友問如果有外國訪客想搵地道嘢食🥢係中環有乜推介🤨 結果做咗個上晝，整完個舒特拉的名單📜 反而漏咗呢間係舊公司經常買外賣既 波記⚽大隱隱於市，波記係中環中心後面上山既小巷，只係簡單既鐵皮檔😮加幾張圓枱，就係條小小斜路開檔👍👍香港人特色係艱險我奮進，困乏我多情（好似係中大校訓至真😋）波記出名炒嘢，同中環區一樣，幾個老人家開檔，上得呢條樓梯，基本都係幫襯佢，未上到去已經問你「今日想食乜」💞呢啲溫馨又係無價嗌咗個椒鹽豬扒飯 - 識叫一定加「炒底💛💙💜」，等咗唔駛5分鐘，聽住啲｛呼呼墳｝既炒嘢聲後已經起錨⚓ 再落埋低兩級樓梯既果汁加杯蘋果雪梨汁🍎🍐番到公司打開佢，實唔會好賣相😉 但啲豬扒多到蓋滿面，搵唔到飯，吉野家都唔得啦🙄蛋炒飯底👍 飯同蛋唔會黏起一大舊，小彈既係無用隔夜飯，炒飯係要用隔夜飯先好😏豬扒鬆，醬汁濃，係典型既佬飯條件，波記係完全做到👏👏但係少咗條菜🤣🤣 講真佢既鑊氣真係無得彈，有興趣可以試下佢既乾炒牛河，天口唔熱可以坐低係度體現生活，諗起早幾日，903林海峰出場，「年青人，係乜嘢驅使你係暴雨天下番工呀。。。」波記，正正係唔同界別既佬，地盤佬，裝修佬，基金佬等既開飯選擇🤣🤣 炒埋個

波記位於士他花利街下半段斜路上，平常經過威靈頓街時總會被這大排檔食物的香味吸引。前陣子天氣不冷不熱，坐在室外吃飯最適合不過，正是到訪大排檔的好時候。由於飯桌的位置相當斜，坐著時要較小心。看著廚師大叔起勁的炒菜，火光洪洪很吸睛，於是和朋友分別點了蝦醬炒飯及乾炒牛河。等了數分鐘後炒飯及河粉便上桌了。在這涼快的天氣下吃著熱騰騰冒著煙的鍋氣炒飯炒河真幸福。蝦醬炒飯份量非常多，飯炒得均勻之餘粒粒分明，不會過鹹同時帶有蝦醬香味，味道不錯。乾炒牛河不會太過油膩，每條河粉都沾到醬汁及顏色平均，牛肉亦頗嫩滑。份量十足的鍋氣炒飯麵每碟只需$38，大件夾抵食之餘又美味，不失為中環午膳的好選擇。

充滿香港風味, 夠哂鑊氣嘅大排檔天氣涼返D, 終於可以過來試下大排檔!!睇住佢大大火, 夠哂鑊氣咁炒, 真係好咁有鑊氣, 當然叫返個至愛嘅<<干炒牛河>>每一條河粉都上到色, 唔會一餅嘢咁!炒得乾身而又唔會油淋淋! 牛肉夠多夠嫩滑又入味! 夠水準而且有特色!!果然好選擇錯!!另外, 朋友仔就叫咗<<生炒排骨飯>>未上枱已經聞到香味.生炒骨夠熱夠香, 唔係大排檔邊有咁好鑊氣整?!份量十足, 而且粒粒都立立令!!加埋D芡汁簡直令人欲罷不能呀!! 兩個人SHARE來食, $72埋單, 響中環區邊到搵呀!難怪未夠12點已經FULL HOUSE, 仲要有長長外賣人龍.仲連遊客都識攞住旅遊書搵到來食!! 

這束美美的鮮花很漂亮吧！收到的應該很開心吧。如流出的不是感動的眼淚，大概是形容不了的苦吧！在所有人眼中的快樂，快樂嗎？放下花束，獨個兒往街外走，就在前一個街口，忽然傳來很大的煙火味，那種煙，猛得就像垃圾桶起火。但這種香味，是吸引你探一探頭看的動力本應會繼續向前行的我停頓下來，戰戰兢兢的走進這條小小的街。忽然好想坐下來。隨便吃一個路邊的好東西。這裏就是波記，據說在這區柱立了幾十年啊！這裏的鑊氣很夠，由下而上的散發到威靈頓街。這裏有著幾十年的影子，那種在橫街小巷內開的兩個爐頭，讓我想起了很多從前的電影情節。如果你只喜歡高級餐廳食府，這裏絕對不是你的茶！火爐的風聲，聽着也別有一番風味！我就坐在一大群沒着衫的男人中間，但他們其實真的很有禮貌。雖然用了奇怪的眼光望着我，可能在想為何這個女孩子穿着高踭鞋在大排檔食野？哈，沒關係吧！我點了炒麵，不知道為何會點這個。最後我叫了這個。我叫了的是超級扣底，我只想坐在這裏感受着一息間的空隙。這裏的姨姨說叫點肉吧，最後豉油王炒麵就變了斑腩炒麵多汁。。。。哈哈！扣了底的斑腩炒麵還是很多，斑腩10分大嚿還有美味的炸豆腐，不能輸的是這裏的鑊氣！已經沒有太多地方有這些