四寶食堂 (已結業)

平時喺通菜街行過 好難見唔到呢間四寶食堂 招牌大大舖面都大大 而且我覺得佢隻主色綠色好靚🥰環境乾淨企理 呢度嘅食物種類相當之多 小菜/煲仔菜/常餐/燉湯/牛扒…應有盡有🍽️太多嘢想食 所以都用咗啲時間先至揀好▪️椒鹽豆腐金磚一份已經有12件🥹超抵食 外脆內嫩 豆腐好嫩滑 椒鹽相當突出 好惹味▫️山渣菠蘿咕嚕西班牙黑豚肉賣相好靚 醬汁味道啱啱好 甜酸平均 仲有拔絲效果🥢幾驚喜 黑豚肉肥瘦均勻 外層都幾脆 整體都好唔錯 加配套餐有埋白飯同燉湯 當日係五指毛桃蟲草花 好足料 飲落清甜順喉▪️鮑汁鮑魚瑤柱福建炒飯絕不取巧 有兩隻原隻鮑魚喺度架😍配料亦相當多 翠玉瓜/肉粒/草菇等等 芡汁夠拌勻成個飯 面食落唔會覺得好濕 飯仍然食到粒粒分明