BEP Vietnamese Kitchen 越灶 (已結業)

位於K11 Musea嘅BEP裝修有格調，坐得好舒服。海防墨魚昆布沙律賣相好吸引，材料豐富，食落既有爽口嘅墨魚同青瓜絲，又有淋滑嘅昆布，以及扎肉、碎花生等，好有層次感。沙律醬汁酸酸甜甜，非常開胃。底層脆片記得盡快食，或者先攞起，否則放耐咗就會變淋。泰式生蝦新鮮爽口，醃料醒胃，辣味十足，唔太食得辣嘅朋友就要小心喇。越式豬肉法包嘅包身烘得脆身，材料亦好豐富，五花腩嘅油香十足。可惜整體較為乾身，亦食唔到肝醬嘅香味。