築間酸菜魚

今晚係銅鑼灣想食酸菜魚，搵倒哩間台式嘅酸菜魚，好似幾得意，就決定試下。一入餐廳就已經對環境相當滿意，坐位同通道都相當闊落，坐近窗邊視野開揚，幾舒服。哩度除左主打嘅酸菜魚之外，仲有幾款特色嘅魚，雖然得2個人，但真係好多野想試，最後我地除左酸菜魚，仲叫左個海派蝦湯魚，主打湯底用蝦煮足3個鐘，仲叫左2個小食，2杯野飲同一個甜品。首先講返主打嘅酸菜魚，魚片唔少，味道同食開嘅酸菜魚有少少分別，唔會過濃，好易入口，個湯唔油，有啲想飲埋🤣好多酸菜，好好食然後個蝦湯魚相當有驚喜，食得出個湯真係煮左3個鐘，好似食緊蝦湯拉麵，同魚片出奇地夾，仲有青口，蝦，蜆，帆立貝，好鮮，又唔小心飲左啲湯。2個小食都好出色，甜不辣好好食，一啲都唔油，份量亦相當多，而魚下巴就炸得好乾身，有啲位連骨都可以食埋。而2杯飲品都唔錯，白桃沙瓦同蜂蜜檸檬水都好飲，相當清新好適合解膩。最後已經好飽，但又好想食甜品，所以叫左一碗紅豆仙草，有台灣嘅味道呀🤣哩度原來仲有lunch set，下次放lunch可以再嚟！