반찬앤쿡 Banchan and Cook (太古城中心)

營業中

休息中

前菜喺韓式豬手沙律，豬手肉厚而且有口感，不但肉質嫩滑，而且凍食拌沙律非常清新爽口，作為韓國菜嘅前菜，為之後豐盛又油膩嘅主食做好打底。主食分別喺醬油蒜頭無骨炸雞，同泡菜燉五花肉蛋包飯。先講一講個炸雞，醬油醬汁配搭鮮嫩現炸嘅炸雞塊，肉質鮮嫩多汁，一咬落去偏脆嘅炸雞皮，果種酥炸嘅口感拌勻甜甜的淋醬，加入咗蒜味令風味更加有層次添。其次，泡菜炒飯就食得多，第一次嘗試拌入燉五花肉，韓國伴菜必備嘅泡菜，肥瘦相間嘅五花肉，味道獨特。值得一讚嘅喺師傅對蛋包飯嘅悉心烹調，一旦切開雞蛋之後，入面嘅蛋漿好似瀑布咁湧出黎，半熟嘅蛋漿融入炒飯後，非常可口。甜品我地叫咗烤朱古力棉花糖，烤過後嘅棉花糖有拉絲嘅效果，配搭香脆可口嘅曲奇餅，俾你一個豐富嘅口感。值得一提嘅喺餐廳用咗整塊餅乾同打碎咗餅乾做底，食落更有層次！飲品分別叫咗紅桑子沙冰同士多啤梨紅桑子梳打，甜度適中。