道日本料理 (已結業)

之前收到新開張傳單見到佢除咗三日劈價優惠仲有成個月八八折就膽粗粗試吓之前一直都要去到竹園先有得食類似質素嘅壽司見佢有好多熟食揀都嗌咗好多唔同款試吓圖中除咗一碟三文魚刺身唔係之外其他都係道日本料理買的🤣因為原本以為佢冇一磅三文魚刺身買🥶原來係我發雞盲🤣講吓熟食先，佢個油甘魚魚骹超級出色，魚油勁香，師傅話唔係日日有架😙紫薯甘栗餅比南瓜薯餅好食，可能個人比較喜歡有咬口，紫薯入面仲有細細粒栗子炸蝦就正常野，炸皮唔厚芝麻雞翼都ok ge ，都係正常發揮重點講下啲刺身，望到色水係靚既，佢哋啲甜蝦同油甘魚都好好食，甜蝦個size比一般大，三文魚都好肥美😍都好驚喜最後要講下個焦糖鵝肝壽司，好少見到鵝肝壽司咁大塊鵝肝🤣正頭要分兩啖食，好後悔淨係叫左4舊，下次一定會encore 佢哋，問左可以係wtsapp 落單先，咁就方便好多。