8cm Coffee (已結業)

附近大部份都係賣小食既鋪頭之中，竟然有間小小既cafe。燈光光猛，裝修設計簡潔，地方唔太大，但坐得好舒服。食物選擇唔多，主要都係小食，all day breakfast，仲有幾款意粉。香蔥煙三文魚牛油果忌廉芝士配法式酸種多士伴煎蛋隻蛋煎得好靚～煙三文魚新鮮，份量多。酸種麵包有驚喜！厚切得黎好軟熟，有彈性，有咬口，加埋搽面既忌廉芝士，成個組合簡直係無得輸～沙律菜加左黑醋汁，簡單得黎又健康，又開胃。大蝦墨魚扁意粉配墨魚汁真係要講翻句，估唔到係呢種唔係專做意粉既小店都可以食到呢個質素既意粉。首先佢既意粉硬度適中，有咬口，唔會太淋身或者硬身。醬汁夠咸香，但唔會過份濃味。配上大蝦同墨魚，成件事好完美。Latte拉花靚呀！咖啡既顏色都幾靚，入口亦得好滑同順喉。不過偏奶味重，咖啡味唔算太出。小山圓抹茶牛奶分層做得幾靚，賣相超吸引！同樣地偏重濃郁既奶味，帶有清香清新既抹茶味。