椰粉湯紅 (已結業)

由於疫情關係無左堂食，成日係屋企煮飯已經煮到好悶又頭痕，今晚決定叫外賣，但外賣都要食得健康有營養。炭燒鰻魚椰香蛋包飯 $78鰻魚燒得好香，嫩滑無骨，外皮帶點脆口，蛋包飯份量多，蛋香味濃，加左椰漿另一番風味。酸辣手撕雞冷麵 $58天氣熱無咩胃口，呢個酸辣冷麵好開胃，用左蕎麥麵，手撕雞嫰滑唔鞋，配上爽口生菜粟米蕃茄仔好有口感，加上酸辣汁十分惹味。食療拿杯湯 $28每週唔同嘅，我呢杯係南瓜唐排湯，南瓜香甜，飲得出無味精。