莆田 (荃灣廣場)

營業中

休息中

呢日同細妹係附近行街，咁岩講起細個屋企人整過一種唔係炸既蠔餅，細妹就講起一種用甜豉油既粽。之後點知兩樣都係呢到食到！之前都無留意呢間原來係食福建同閔南菜😂我哋叫左經典菜包飯、福建特色海蠣煎、滷水豆腐 芋泥香酥鴨同埋花生湯。點知超驚喜！ 海蠣煎就係我哋傾計時提起既唔係炸既蠔餅，而個菜飯就好似細個食過點甜豉油既果隻粽！ 食到果刻我哋都超驚訝同時又好開心，終於食到細個既味道。另外個滷水豆腐都好好食，一咬啲滷水汁就噴晒出嚟同埋又唔會難咬，好香豆味，下次食會想再叫！而個芋泥香酥鴨就反而比較平凡，個人覺得芋泥同鴨味道唔太夾，同埋啲鴨有少少柴。最後個花生湯都係小時的味道，之後忍唔住再外賣叫多左碗返屋企無咁飽再食🤣🤣