影片
更多
2024-05-27
168 瀏覽
為咗有更好嘅心情迎接Monday Blue之苦，上個禮拜日晚同好朋友係尖沙咀行完街，決定食餐好嘅再圍下爐~揾到呢間主打fusion菜嘅餐廳決定一試！餐廳嘅裝潢好簡約乾淨，而且每張枱之間都有足夠嘅私人空間，可以好舒服咁同朋友傾偈☁️ 👯♂️晚餐由頭盤到甜品都好有好多選擇，仲可以揀Dinner Set🍴點完餐後會送上一盤餐包（Free) 🍴頭盤-法國藍青口伴白酒忌廉汁蒜蓉多士 ($158)作為頭盤嚟講真係好大份好足料，每粒青口都好大粒！個汁可以用蒜蓉包點嚟食，而且食完會有淡淡酒香。🍴主食 - 低溫慢煮美國羊脾扒伴法式燴菜 ($268) 平時好少會食到羊脾扒，嗌咗Medium, 羊脾扒質地好嫩，一啲都唔鞋，重點係完全唔會騷。搭配法式燴菜，口感豐富而清新。 🍴主食 - 加拿大海膽、帝皇蟹棒、松葉蟹膏蟹肉忌廉汁意大利麵 ($248)呢個fusion配搭有趣，味道有驚喜！好食嘅海膽唔容易揾，呢個海膽算係好鮮甜，帝皇蟹棒唔係平時好hea嘅蟹柳，係彈牙嘅蟹棒，再加上松葉蟹膏和蟹肉所製嘅忌廉汁，有種啖啖都好滿足嘅感覺！🍹飲品 - 柚子蜜 (凍)& 宇治金時抹茶(熱)杯柚子蜜都唔hea, 飲到最底仲係好多
餐廳嘅裝潢好簡約乾淨，而且每張枱之間都有足夠嘅私人空間，可以好舒服咁同朋友傾偈☁️ 👯♂️
晚餐由頭盤到甜品都好有好多選擇，仲可以揀Dinner Set
🍴點完餐後會送上一盤餐包（Free)
🍴頭盤-法國藍青口伴白酒忌廉汁蒜蓉多士 ($158)
作為頭盤嚟講真係好大份好足料，每粒青口都好大粒！個汁可以用蒜蓉包點嚟食，而且食完會有淡淡酒香。
🍴主食 - 低溫慢煮美國羊脾扒伴法式燴菜 ($268)
平時好少會食到羊脾扒，嗌咗Medium, 羊脾扒質地好嫩，一啲都唔鞋，重點係完全唔會騷。搭配法式燴菜，口感豐富而清新。
🍴主食 - 加拿大海膽、帝皇蟹棒、松葉蟹膏蟹肉忌廉汁意大利麵 ($248)
呢個fusion配搭有趣，味道有驚喜！好食嘅海膽唔容易揾，呢個海膽算係好鮮甜，帝皇蟹棒唔係平時好hea嘅蟹柳，係彈牙嘅蟹棒，再加上松葉蟹膏和蟹肉所製嘅忌廉汁，有種啖啖都好滿足嘅感覺！
🍹飲品 - 柚子蜜 (凍)& 宇治金時抹茶(熱)
杯柚子蜜都唔hea, 飲到最底仲係好多柚子😮宇治金時抹茶，茶香濃郁唔會好甜，仲有靚拉花，啱晒打卡！
呢個Dinner完全治愈咗要迎接返工嘅Bad Mood，推薦大家嚟👍🏻👍🏻
張貼
