田浦食肉

營業中

休息中

一入到店已經感受到濃濃嘅韓式氣氛，店員都係韓國人，仲有OPPA親自幫手燒肉，感覺好親切。五花肉+豬頸肉/550g肉質粉嫩顏色，食材新鮮，OPPA燒烤技巧一流，烤得外焦裡嫩，五花肉脂肪同瘦肉比例恰到好處，充滿住油脂香；豬頸肉肉質細嫩，肉汁豐富，嚼勁十足。雞蛋羹 份量多，加上芝士、粟米、紅蘿蔔嘅搭配，蒸蛋滑嫩又濃郁，每一啖都係舒心嘅享受。黃油炒飯全晚最有驚喜，店員會將炒飯畫成公仔圖案，每枱都唔同，店員幫我哋畫成超可愛嘅布甸狗，落足心思。泡菜炒飯酸酸辣辣，米粒鬆軟，加入黃油、紫菜一齊炒更加香。