No. 1 Kitchen (已易手)

去元朗試新野，餐廳的座位唔多，去之前睇過食評，食評推介無味精，龍蝦湯,一於試試，同朋友各叫左2個set,朋友的忌廉湯普通，龍蝦湯要再加錢，試左真係足料，有海鮮，一試難忘，仲有哈密瓜同ham的前菜，份量普通。之後上主菜，朋友的鵝肝拼豬仔骨意粉好香，豬仔骨好juicy有燒烤的味道，意粉有青醬同波菜味，可惜意粉分量唔夠多，大食的朋友未必夠，女士就剛好有多。另外叫左個露荀大蝦珍寶菇x2還拼了薯角，味道的確唔錯，但是同真正寶菇的距離仲差好遠，相比之下肉類個餐比較吸引。最後點餐飲，有普通飲料同果汁，特飲、咖啡就要補差價。問一下侍應的推介，對方對答如流，待客至誠，之後選左凍黑朱古力同凍白朱古力，朱古力幾香濃，杯面舖上四分一cream,黑朱古力仲有朱古力粉，朋友覺得白朱力好滑，但相比之下黑朱古力較有層次。是次兩人光顧唔夠300蚊有找免加一，以西餐而言味道唔錯又無味精，值得推介。