鬼金棒牛骨辣麻拉麵 (已結業)

豬骨拉麵成日食，主打牛骨真係未試過，對於鍾意食牛嘅我黎講係幾吸引！我同屋企人一個叫招牌牛骨拉麵，一個試特上A4和牛小麻辣牛骨拉麵。招牌個湯底好濃香，而麻辣就惹味啲，各有特色！不過牛肉嘅分別就好大！有比較就當然覺得A4和牛嘅牛味出好多！口感都唔同層次，雖然價錢都有一段距離，不過個人覺得都值得食好啲！麵質方面，係幼麵，但彈牙！唔會話煮到好淋，欣賞！另外我地仲加配餃子，都脆口，不過不失。野飲嘅選擇都算多，而環境係幾好，舒服。