影片
更多
2024-04-10
857 瀏覽
話說星期日去完海洋公園水上樂園就決定試吓附近一間book mark咗一排嘅餐廳作為南區之友嘅我喺南區可以食到小籠包已經係買少見少所以今日決定嚟呢度試吓一嚟到呢其實係俾佢嘅裝修吸引住我諗始終都係新餐廳所有嘢乾乾淨淨感覺好舒服去到大概時間夜晚6:30始終係黃竹坑工業地區地點問題只係有兩三台客職員態度非常良好要加分帶我哋三人即刻入座俾咗個餐牌我哋睇仲即刻開茶俾我哋飲添餐牌簡潔易明基本上就係分咗兩款$75有手工拉麵一款加冷盤一款$98有手工拉麵一款加冷盤一款加點心一款亦都寫得好清楚如果想upgrade食物，可以再加錢碗碟乾淨企理做設計得好精緻添冷盤叫咗滷水牛腱，我冇醉雞，自己擂椒皮蛋最鍾意食個皮蛋調味教得非常之好三款點心到齊款款點心都係即叫即煮新鮮滾熱辣冰花鍋貼煎得好香脆餡料好足略嫌油咗少少脆皮春卷外表平平無奇竟然令我異常驚喜新鮮炸起非常鬆脆好耐未食過咁脆口嘅春卷小籠包件件有湯汁如果個皮再做得薄身多少少就非常之好啦不過味道非常之好當我想影相之際爸爸已經偷食咗一隻最驚喜係個醋唔係出邊好薄身好酸嗰一隻而係好厚實有一種好潤嘅感覺手工拉麵分別叫咗屈機厚切排骨拉麵秘製牛肉麵溫柔蔥油拌麵排骨豬扒係犀利嘅好
就決定試吓附近一間book mark咗一排嘅餐廳
作為南區之友嘅我
喺南區可以食到小籠包
已經係買少見少
所以今日決定嚟呢度試吓
一嚟到呢
其實係俾佢嘅裝修吸引住
我諗始終都係新餐廳
所有嘢乾乾淨淨感覺好舒服
去到大概時間夜晚6:30
始終係黃竹坑工業地區地點問題
只係有兩三台客
職員態度非常良好要加分
帶我哋三人即刻入座
俾咗個餐牌我哋睇
仲即刻開茶俾我哋飲添
餐牌簡潔易明
基本上就係分咗兩款
$75有手工拉麵一款加冷盤一款
$98有手工拉麵一款加冷盤一款加點心一款
亦都寫得好清楚
如果想upgrade食物，可以再加錢
碗碟乾淨企理
做設計得好精緻添
冷盤叫咗滷水牛腱，我冇醉雞，自己擂椒皮蛋
最鍾意食個皮蛋
調味教得非常之好
三款點心到齊
款款點心都係即叫即煮
新鮮滾熱辣
冰花鍋貼煎得好香脆
餡料好足
略嫌油咗少少
脆皮春卷
外表平平無奇
竟然令我異常驚喜
新鮮炸起非常鬆脆
好耐未食過咁脆口嘅春卷
小籠包件件有湯汁
如果個皮再做得薄身多少少就非常之好啦
不過味道非常之好
當我想影相之際爸爸已經偷食咗一隻
最驚喜係個醋
唔係出邊好薄身好酸嗰一隻
而係好厚實有一種好潤嘅感覺
手工拉麵分別叫咗屈機厚切排骨拉麵
秘製牛肉麵
溫柔蔥油拌麵
排骨豬扒係犀利嘅
好厚肉
但係又唔鞋口
好味道
牛肉麵上面嘅牛肉
超級鬆軟
一咬即化開
蔥油拌麵
有淡淡嘅蔥油香氣
媽媽就最鍾意呢個
簡簡單單
記得鍾意食辣嘅朋友
要試吓佢個辣椒醬
炒得好香
正嘢
今次真係超級滿意
最尾埋單總共$431
係有收茶芥嘅
每位$8
我哋成家人不嬲都好食得
今次個個捧住個肚走
期待下一次再發掘新餐廳
PS
其實我哋今次喺海洋公園站行過黎
都只不過係15分鐘
如果想簡單啲
可以喺海洋公園站搭一個站
去黃竹坑站再行幾分鐘就到啦
張貼
