The Pudding Nouveau (已結業)

之前有次已經想試下依間餐廳出名的法式油浸鴨腿，但當時剛巧撞正餐廳裝修，未能一試只能失望而回~ 今次剛巧有人生日，所以打算再去試一試~ 今次去到餐廳時大約晚上7點鐘，店內坐位不多，已經有8成滿，但幸好還有2個座位，不用等位便可入座~ 我地點左想試的法式油浸鴨腿及一個甜品：(1) 法式油浸鴨腿配窩夫 $158油浸鴨腿肉多，外皮炸得脆口，但肉質略嫌唔夠滑~ 窩夫鬆軟，雖然蛋味唔夠濃，但配上楓糖一齊食感覺一流~ 配菜還有沙律菜及太陽蛋，味道都唔錯~這個油浸鴨腿附送飲品，小編選了熱情果茶，味道挺清新，中和了油浸鴨腿的油膩感~(2) 薑汁梳乎厘 $118食這個梳乎厘首先要快食，而且要將薑汁倒入梳乎厘入面一起食~ 梳乎厘薑汁味非常濃郁且鬆軟，暫時係小編食過最好食的梳乎厘~ 雜莓味雪糕及生果都唔錯，唔算太特別但味道唔差~總括來講，餐廳的甜品比較好食，雖然甜品價錢略貴，但十分值得一試~p.s. 店內待應態度熱情有禮，會主動介紹不同到菜式讓客人選擇