康瑞涼茶 (已結業)

之前成日經過開深水埗都見到呢間糖水舖大排長龍，今次去搬咗新鋪之後終於有機會去試吓。本來見佢門口有勁多人喺門口等，都想打退堂鼓，原來係其他人係等外賣，大概等左一張枱到就有得入去，但係非常逼，我哋係三個人，比安排佢一張二人枱，另外一個朋友只可以坐係一張大沙發嘅旁邊。朋友點左一個特色仙草百配$25，呢一款係有燒仙草加其他芋圓，地瓜圓，小丸子，朋友就覺得黃色嗰啲一粒粒好好食，我都是左少少，不太特別。我聽到其他客人講呢度嘅薑汁好濃$25，所以點左一個暖胃薑汁配，呢款呢就係有薑汁，雞蛋花再加其他嘅小丸子類別，講真真係有啲失望，糖水嘅比例就好高，但入邊嘅小丸子份量就好少，如果下次再試都會是朋友嗰款仙草配。