Vici Restaurant & Bar (已結業)

今日到Vici用晚膳，事前透過openrice預約。進入餐廳後，侍應先放下一盤蝦條為餐前小食，再提供餐牌。但相比以前主打西式食物的菜單，新菜單減少西式餐點選擇，添加了一頁日式/燒物菜單。我哋叫咗水牛芝士薄餅、北海道帶子闊蛋麵 及一杯cocktail。首先上菜嘅係水牛芝士薄餅。上枱時仲冒住煙，即叫即做。薄餅餅底係薄脆餅底，邊緣非常鬆脆，芝士量亦多，口感味道上佳。薄餅食到一半嘅時候，闊蛋麵仍未上檯，於是我們向侍應提出查詢。侍應回覆因為多訂單， 廚房出餐時間較長。但觀乎樓面，絕大部分客人都係叫酒精飲品，甚少見到熱葷。最後闊蛋麵要多等超過20分鐘先上枱，由此可見係廚房漏單，而非訂單過多。闊蛋麵質感軟熟但非常煙韌。麵汁用上黑松露調味，香濃美味。唯一稍為挑剔嘅地方係帶子煎得有點過熟。如烹調時間可稍為縮短，帶子將更加可口。用餐途中我們發現店內有人吸煙，餐廳職員甚至提供煙灰缸，而非作出勸喻。用餐期間 亦見有數隻蚊飛過，頗為滋擾。總括而言餐廳食物美味，但服務環境有改善空間，綜合用膳體驗令人有點失望。