宗像牛肉屋 (已結業)

今日係朋友嘅生日，想揀一啲特別啲嘅餐廳同佢慶祝一下，首先講下環境先，呢度嘅環境裝修得好靚，真係好似去咗日本咁，木嘅顏色好柔和令人坐得幾舒服。坐嘅位置可以望到師傅點樣製作一個飯，好似食緊Omskase咁。第一次食呢一種牛肉飯，叫咗一個中價嘅牛重都要二百幾蚊。見到師傅好俾心機一層一層咁樣加汁加紫菜去整一個飯，令人好期待呀！牛肉切到好薄好薄真係好考刀功啊，整體來講我覺得牛味係幾重，食落嘅感覺唔油膩，不過醬汁好似有啲多，令到飯有啲鹹，而且飯嘅份量唔算多，細食嘅女仔應該會啱啱好，但係男仔來講呢應該就未必夠食啦。整體來講味道其實係幾好，但係價錢真係有啲貴呀，而且食物嘅種類比較少，所以性價比一般啦。