Cafe de Tiffany (已結業)

呢間餐廳經過幾次喇，今晚終於喺度食晚餐，都幾鍾意呢度d裝修，感覺似古舊嘅船艙，木板牆、昏黃嘅燈光、仲有d零件裝飾咁，幾好feel。 呢度似西餐廳多d，雖然有All day breakfast，但比Cafe多左d重份量食物選擇，扒餐、鐵板餐都有，啱晒食肉獸。 比起牛扒，我更鍾意食羊架，見到menu晚餐有鐵板羊架，仲係有三枝骨咁多，唔洗再諗，不二之選。晚餐仲有黑糖餐包、紅\白湯、餐飲、甜品，其實真係好大份，驚食唔晒都係同朋友share，朋友有呢個打底，叫多份烤雞凱撒沙律就啱啱好兩個人夠食喇。 精選鐵板晚餐 紐西蘭羊架 $168🧈黑糖餐包細細個，配埋有輕輕預熱過嘅牛油份外可口。🥩羊架好大件，勁肥美，無羊羶味。廚師都幾好，將薯條、洋蔥墊底，咁就唔驚羊架喺鐵板上會因加熱而變得過熟。而且最後薯條、洋蔥等會索滿羊脂，食落就更濃味。☕餐飲揀左凍朱古力，呢杯極好味，朱古力味好濃郁，似係飲緊朱古力雪糕咁濃味香滑。甜品係獨立包裝嘅雪米滋，夠晒衞生。 🥗烤雞凱撒沙律 $48呢個沙律真係好抵食，大大碟，雞扒份量都唔少，如果細食女士揀呢個，足以做豐富嘅晚餐。 兩個人食到鐵板餐、凱撒沙律，都只係大約$200，抵食。