影片
更多
2009-06-14
29 瀏覽
基本上我已去過無數次珍, 但都要讚下佢:舖面: 好乾淨, d糖水樽同d配料罌令納納既, 絕對無漬無油淋淋, 讚明報已介紹過珍2次, 呢度係用amway洗潔精, 過濾過既水同加拿大有機非基因改造大豆做豆漿豆花, 同傳統舖既味道有分別, 但因走健康路線, 所以所有野唔會過甜及少油. 珍既質素, 確係非一般舖仔可比, 單單材料成本同衛生已叫人刮目相看.芒果豆腐花係我至愛, 芒果料足, 仲有埋汁, 無話整色整水開稀佢. 豆腐花好滑而口感厚重, 食完一碗好似食左碗飯咁飽, 22蚊真係抵到爆.呢度既腸粉其實都好出色, 非常滑而唔漿口, 老闆娘更話豉油係用頭抽, 絕對食得出唔係死鹹既cheap貨. 希望珍繼續做落去, 等我呢類對一碗豆腐花都有要求既食客得到心靈上既滿足.
舖面: 好乾淨, d糖水樽同d配料罌令納納既, 絕對無漬無油淋淋, 讚
明報已介紹過珍2次, 呢度係用amway洗潔精, 過濾過既水同加拿大有機非基因改造大豆做豆漿豆花, 同傳統舖既味道有分別, 但因走健康路線, 所以所有野唔會過甜及少油. 珍既質素, 確係非一般舖仔可比, 單單材料成本同衛生已叫人刮目相看.
芒果豆腐花係我至愛, 芒果料足, 仲有埋汁, 無話整色整水開稀佢. 豆腐花好滑而口感厚重, 食完一碗好似食左碗飯咁飽, 22蚊真係抵到爆.
呢度既腸粉其實都好出色, 非常滑而唔漿口, 老闆娘更話豉油係用頭抽, 絕對食得出唔係死鹹既cheap貨.
希望珍繼續做落去, 等我呢類對一碗豆腐花都有要求既食客得到心靈上既滿足.
張貼
