Thai Fire

觀塘有好多上樓嘅餐廳Thai fire係其中一間，其實只要食物、服務同環境有質素，就算上樓都可以好爆場！睇返餐牌，價錢合理，而且款式非常多！特別係飲品同甜品，全部都非常吸引！水蜜蜜~香甜嘅蜜桃味女仔一定會鍾意，同時配上蘭香子，既飽肚又健康！芒果沙冰~沙冰真係有芒果肉在內，真材實料！啱曬夏天享用。大蝦柚子沙律拼無骨鳳爪~柚子沙律當中均勻地灑上辣椒片，而無骨鳳爪辣度亦恰到好處，可以令人胃口大開！絕對發揮到前菜嘅功能！紅咖哩牛配薄餅~咖哩辣度唔會過份，醬汁亦裹滿牛肉，配搭薄餅，口感層次分明，非常出色！炭燒豬頸肉配雞肉牛肉串燒~外面嘅串燒通常一款肉要叫一定嘅份量，而呢度可以樣樣都試齊曬，呢個combo，真係冇得輸！當中最鍾意係牛肉串燒，有獨特嘅香料，而且肉嘅質地keep得好好！芒果糯米飯~呢個甜品除咗好食之外，打卡一流，芒果幾甜，而且糯米飯煙韌，配搭椰汁簡直畫龍點睛！咁豐富嘅泰國菜都係呢個價錢，真係好抵食，而且質量非常高！下次一定會再幫襯！