發哥粥底海鮮火鍋 (已結業)

好欣賞用心搞好飲食嘅餐廳，發哥就係其中之一。連小食都無欺場，青瓜清甜，爽中帶微辣，好開胃。花生香脆飽滿，等上菜時食很適合。飲品選擇不算很多，但有自家製的竹蔗水，誠意滿滿。醬汁以為選擇少，誰知貴精不貴多，個炸蒜油超級超級好食，係我食過最好食嘅炸蒜！如果好似我咁鍾意食蒜頭嘅話，一定要大大兜拎，全部海鮮一點，即刻香十倍！魚皮又係必點之選，出面有好多好差嘅魚皮係硬脆嘅，呢度既魚皮係香脆鬆軟嘅，又唔厚粉，肯定唔係平貨。海鮮拼盤份量多，品種豐富。🦞龍蝦好多膏，而且甘香，肉質彈牙。🐚蟶子帶子全部都白雪雪，鮑魚仲郁郁下。蜆雖然細隻但幾鮮，適合一早放落湯底熬湯。🦐蝦好有光澤，肉質爽脆唔霉。🐟多寶魚新鮮，脆鯇肉質緊實而且真脆。🍀冬瓜、娃娃菜吸曬湯汁勁好食，皇帝菜月唐蒿味，如果有人唔鍾意陣味建議唔好叫，以免最後粥底有菜青味。最後的粥底真係集天下之大成，本身以為菜甫會好重口味，點知食落香脆，令碗粥口感更豐富。總括而言，非常推薦。