魔衣櫥咖啡廳 (已結業)

𨋢門一打開已經覺得好特別，感覺即將要進入一個神秘嘅魔衣櫥🤣入到嚟覺得呢度嘅裝修好特別，一排好高嘅書櫃竟然有個隱藏門入vip房，周圍嘅燈光都好有情調，幾岩嚟拍拖撐枱腳老闆拎menu 過嚟介紹，一睇就連menu都落在唔少心思，好似一幅藏寶圖咁，睇得出佢地每樣嘢都做得好細緻！👍🏻老闆話佢哋以前晚餐係做開set dinner, 依家就有散叫啦！首先我哋頭盤就要左個白酒忌廉汁煮藍青口，每逢上菜老闆都會先介紹一下道菜嘅煮法，呢個青口嘅汁好香濃，襯托起青口嘅鮮味，恰到好處！另外我哋就叫咗個蟹膏蟹肉天使麵，嚟到見到上邊果舊蟹膏就流口水了！老闆提我地要先撈勻晒成個汁先好食，蟹不嬲係我至愛，呢個意粉完完全全地充滿着蟹嘅鮮甜味同混合住芝士嘅香濃，係我杯茶！除此之外我哋叫左一個好特別嘅白鴿脾橄欖醬意大利飯，感覺似食緊乳鴿，好滑！我哋仲有叫咗一個黑毛豬T骨扒，老闆話佢哋會先慢煮，先至再攞去煎，所以肉質係非常之滑，而且夠晒厚身，啖啖肉！唔係一般豬扒可以媲美😋朋友就叫左澳洲牛扒，佢哋話肉味好濃而且好juicy!食扒梗係要配酒啦！最後就食埋呢一個柚子雪芭，為餐畫上完美句號。👍🏻👍🏻👍🏻👍🏻