Mega-1 (已結業)

朋友相約試下呢間新開既餐廳，估唔到有驚喜⋯ 一入門口見到有ball 枱，餐廳格局似酒吧，起初都有點擔心食物質素，點知食過幾道菜都幾好食，真係無點喜出望外～首先講下兩款pizza - Hawaii pizza同煙三文魚pizza , 呢間啲pizza 都係薄批，批底好香脆，啲餡好足，好juicy , 味道同啲醬料都好夾，唔會太濃味， 好味！另外，到龍蝦汁海鮮意粉- 意粉軟硬度適中有彈性，可惜個汁偏重蕃茄味，反而龍蝦味不足，有改善空間⋯至於mega burger ，有好豐富既層次，有蛋，beacon ，兩層牛肉，cheese，一咬落去蛋汁連埋肉汁爆出黎，真係無得頂！ 至於 fish and chips 就一般般啦， 啲魚唔夠juicy 唔夠厚肉 ～ 最後兩杯飲品都唔錯 ，不過唔記得叫咩名喇～ 只係記得紅色果杯係士多啤梨加益力多沙冰～