影片
更多
2024-03-19
917 瀏覽
一直覺得渣打銀行大廈地下嘅呢間餐廳充滿神秘感，由外面望入去以為係酒吧，其實係一間日本居酒屋！除咗可散嗌多款精緻嘅美食，仲有tasting menu同鐵板燒menu～以中環地段嚟講，呢間餐廳性價比極高，每位五至六百蚊已經食到好高質！🙋🏿♀️我係衝著佢哋嘅free flow sake而來的～每位$328/位就可暢飲三款sake - 李白 鵝眉山、惣譽及真澄。店員會好細心咁介紹每款酒嘅來源同味道等等，我就最鐘意味道較清淡嘅李白鵝眉山，由於用咗花酵母，所以每啖都帶點花香味。自家製海綿玉子（$58）本身以為會好似喺平時玉子壽司咁，點知有驚喜喎！不論賣相、口感同味道都似食緊件含有濃郁蛋香味嘅長崎蛋糕😍蔥吞拿魚壽司（$88）及 鰻魚壽司（$88）兩款壽司都好高質，特別係鰻魚，非常厚肉，仲食得岀係即叫即燒👍🏿火炙三文魚芝士卷（$118）三文魚好嫩滑，壽司配上芒果醬汁甜甜地但又好夾，有啲驚喜。燒鵝肝釀名古屋雞翼（$98/隻）呢個好特别！第一口咬落隻香脆嘅雞翼皮已經食到好香濃嘅鵝肝味，入面係釀咗滿滿嘅燒鵝肝，仲可以點啲木魚蒜蓉漬，更惹味！鱈場蟹腳燒（$398）個蟹腳係即叫即燒，熱辣辣相當好味！除咗啖啖肉，
一直覺得渣打銀行大廈地下嘅呢間餐廳充滿神秘感，
由外面望入去以為係酒吧，其實係一間日本居酒屋！
除咗可散嗌多款精緻嘅美食，仲有tasting menu同鐵板燒menu～
以中環地段嚟講，呢間餐廳性價比極高，每位五至六百蚊已經食到好高質
！
🙋🏿♀️我係衝著佢哋嘅free flow sake而來的～
每位$328/位就可暢飲三款sake - 李白 鵝眉山、惣譽及真澄。
店員會好細心咁介紹每款酒嘅來源同味道等等，
我就最鐘意味道較清淡嘅李白鵝眉山，
由於用咗花酵母，所以每啖都帶點花香味。
自家製海綿玉子（$58）
本身以為會好似喺平時玉子壽司咁，點知有驚喜喎！
不論賣相、口感同味道都似食緊件含有濃郁蛋香味嘅長崎蛋糕😍
蔥吞拿魚壽司（$88）及 鰻魚壽司（$88）
兩款壽司都好高質，特別係鰻魚，非常厚肉，仲食得岀係即叫即燒👍🏿
火炙三文魚芝士卷（$118）
三文魚好嫩滑，壽司配上芒果醬汁甜甜地但又好夾，有啲驚喜。
燒鵝肝釀名古屋雞翼（$98/隻）
呢個好特别！第一口咬落隻香脆嘅雞翼皮已經食到好香濃嘅鵝肝味，入面係釀咗滿滿嘅燒鵝肝，
仲可以點啲木魚蒜蓉漬，更惹味！
鱈場蟹腳燒（$398）
個蟹腳係即叫即燒，熱辣辣相當好味！
除咗啖啖肉，食落仲好鮮甜、質感彈牙！
佐賀和牛肉薄燒（$358）
和牛好高質，有入口即溶感🤯，
捲住蔥花一齊食，口感一流呀。
底下嘅麵包索晒和牛嘅油脂，原來都幾好味🤭
銀鱈魚松露雞白湯石鍋飯（$248）
銀鱈魚無失望，魚肉肥美，魚皮燒得香脆。
雞白湯湯底亦都好濃郁，拌飯食一流，加咗啲泡菜更惹味。
飲咗咁多酒，最後食個泡飯非常暖胃舒服。
張貼
