勝記酒家 (已結業)

相約朋友到銅鑼灣食飯，朋友喺外國返嚟，話好耐冇飲過中國茶， 唔洗諗一於同佢搵間酒樓試一試， 今次揀呢間唔係啲咩特別大型嘅連鎖酒樓， 貪佢人唔算好多，座位舒服，可以同朋友傾耐啲慢慢回味人生。先黎懷舊燒豬， 兩個人就叫咗半隻，其實可能會比較多，不過飲下茶，傾下偈，就啱啱好，豬皮夠曬脆， 最重要唔算太肥。勝記蝦餃王， 其實都係普通蝦餃， 不過佢比一般蝦餃嘅蝦脆啲， 咬落口感又好啲，皮又唔算好厚。蚧子蒸燒賣， 平時食嘅度係蟹子燒賣，估唔到， 喺度都有驚喜，肉感十足。鴛鴦臘腸卷， 又一懷舊菜，最可惜嘅就係 一人得一嚿，食唔曬兩種唔同嘅臘腸。懷舊馬拉糕， 發得夠曬高， 懷舊嘅味道返曬嚟。期待下次朋友再回來，一齊再吃好東西。