吉祥日本料理 (已結業)

今日去黃埔探朋友，朋友話帶我食好嘢，跟佢去咗呢間日式餐廳 - 吉祥日本料理。餐廳裝修都幾靚，有吧位，一般坐位，重有私人房間，如果一班人去食，坐私家房都唔錯👍🏻吉祥日本料理有 串燒同日本料理食，我哋乜都叫啲，質素又唔錯，重幾好味㖭😊蟹籽沙律 - 蟹籽份量算多而且好新鮮，係作為前菜的好選擇🥗牛油果卷 - 牛油果好新鮮，配合壽司飯，非常之夾🥑大吞拿魚腩壽司 - 吞拿魚油脂分布極平均，外觀好靚，啖落去啲油脂充滿口腔，果種鮮甜味真係無得頂👍🏻三文魚腩壽司 - 三文魚腩勁厚切，好濃嘅三文魚味，好耐都無食過真係有三文魚味嘅三文魚啦😋北海道海胆壽司 - 鍾意食海胆嘅朋友，一定唔可以錯過，北海道海胆鮮味比較濃，有淡淡嘅海水味，入口即溶一樣，正👍🏻👍🏻串燒拼盤 - 燒雞翼保留到肉汁、雞軟骨香脆可口、燒青椒仔清甜多汁，配上日本啤酒，呢個套餐都好抵食🔥朋友果然無介紹錯，呢間可以再去幫襯👍🏻👍🏻