影片
更多
2010-08-03
61 瀏覽
星期六約左朋友去灣仔附近行街，咁就順便搵下有咩食，之前有朋友介紹灣仔有間新餐廳係佢個親戚開，咁就去捧下場，於是乎由合和行番落去汕頭街，間餐廳就係街尾幢大廈上一層。上到去，餐廳佈置舒服，而由於時間尚早，得我地一枱，餐廳經理好快就黎招呼同埋介紹佢地個餐單。晚餐 $340有3個courses加埋湯，係灣仔區食西餐都算合理。頭盤我揀左焗蝸牛，而友人揀左三文魚他他。我個蝸牛充滿蒜蓉味好香，而個薯蓉伴碟亦都好綿同滑；友人個三文魚他他，我食左少少，覺得d三文魚都幾新鮮。食完頭盤就上埋個湯，我揀左洋蔥湯，友人揀左蟹湯，2個湯都好味﹗食完頭2樣都覺得間餐廳嘅野食都ok，而對主菜就更加期待。之後餐廳經理拎左個sorbet話俾我地清清口腔d味先再食主菜，又幾正宗西餐feel喎﹗主菜我揀左燒羊架，友人揀左鴨腿伴青蘋果沙律，等左一陣終於都上喇﹗個羊架好滑同埋冇咩羶味，可能我鐘意食羊，所以唔覺有羶味。而友人個鴨腿就好吸引，我又食左少少，第一口覺得偏咸，但第二口加埋d青蘋果沙律先食個感覺即刻唔同晒，沙律中和左鴨腿嘅咸味，個感覺好fresh﹗除左主菜仲有side dish，分別揀左spinach soufflé同埋m
晚餐 $340有3個courses加埋湯，係灣仔區食西餐都算合理。頭盤我揀左焗蝸牛，而友人揀左三文魚他他。我個蝸牛充滿蒜蓉味好香，而個薯蓉伴碟亦都好綿同滑；友人個三文魚他他，我食左少少，覺得d三文魚都幾新鮮。食完頭盤就上埋個湯，我揀左洋蔥湯，友人揀左蟹湯，2個湯都好味﹗食完頭2樣都覺得間餐廳嘅野食都ok，而對主菜就更加期待。
之後餐廳經理拎左個sorbet話俾我地清清口腔d味先再食主菜，又幾正宗西餐feel喎﹗
主菜我揀左燒羊架，友人揀左鴨腿伴青蘋果沙律，等左一陣終於都上喇﹗個羊架好滑同埋冇咩羶味，可能我鐘意食羊，所以唔覺有羶味。而友人個鴨腿就好吸引，我又食左少少，第一口覺得偏咸，但第二口加埋d青蘋果沙律先食個感覺即刻唔同晒，沙律中和左鴨腿嘅咸味，個感覺好fresh﹗除左主菜仲有side dish，分別揀左spinach soufflé同埋mix vegetable，個spinach souffle好特別，有少少似奶油焗波菜果d feel，食晒咁多野樣之後已經好飽，所以叫餐廳經理等一陣先上甜品。
落左格之後，甜品我就揀左apple crumble，友人揀左strawberry panna cotta。Apple crumble加埋雪糕，不是太甜又有口感；友人個panna cotta加埋士多啤梨啫喱，呢個配搭好新鮮而又唔會太漏！
食晒所有野之後，除左覺得好飽之外，就係d野食都好ok，而我同友人都覺得$340唔洗加一有咁多野食，好抵食，值得推介，跟住即刻打番電話俾個朋友仔讚佢冇介紹錯﹗
張貼
