影片
更多
2012-10-21
79 瀏覽
今日喺附近做完野 3 點收工,午飯都未食,勁肚餓~! 心血來潮想食個簡單下午茶,經朋友介紹去左呢到食,話佢好有鑊氣同出名好食,所以諗都冇諗就食呢間,大排檔FEEL 我最中意~~星期日呢個時段冇咩人,餐牌上除左有經典西式下午茶系列,仲有中式炒粉面!因為太肚餓而且目標好清晰, 我地好快已經決定好食乜野!我叫左個星洲炒米加辣,朋友分別叫左個干炒牛河,咸魚鷄粒炒飯.同D飲品~等左一陣~先黎咸魚鷄粒炒飯 : D飯炒完都濕淋淋唔夠乾身, 成碟飯我諗用左1-2條鷄柳切粒,鷄肉有手指尾指甲咁細,當中唔知係咪真係有咸魚,因為食唔到有任何咸魚香..V__V等左足足5分鐘都未見其他野上坮,隔離遲過我地到的一家人的西多士都食左一半..想叫個服務員黎追一下佢就拎左碟白色的星洲米過黎....我地三個一睇見唔對路,就同佢講,我地要加辣唔係走辣喎~佢就二話不說就拎返去廚房,我地又要再等過..又等左一陣,差少少就發脾4,!終於星洲炒米加辣同朋友的干炒牛河一齊上枱,朋友叫佢拎辣椒醬,我就叫佢地拎辣椒油,朋友的干炒牛河可能係最保守最好味既款式~而我的星洲米就感覺好差~有少少失望..米粉又粹又濕,結撻撻,材料又唔多,又冇鑊氣
經朋友介紹去左呢到食,話佢好有鑊氣同出名好食,所以諗都冇諗就食呢間,
大排檔FEEL 我最中意~~星期日呢個時段冇咩人,
餐牌上除左有經典西式下午茶系列,仲有中式炒粉面!
因為太肚餓而且目標好清晰, 我地好快已經決定好食乜野!
我叫左個星洲炒米加辣,朋友分別叫左個干炒牛河,咸魚鷄粒炒飯.同D飲品~
等左一陣~先黎
咸魚鷄粒炒飯 : D飯炒完都濕淋淋唔夠乾身, 成碟飯我諗用左1-2條鷄柳切粒,鷄肉有手指尾指甲咁細,
當中唔知係咪真係有咸魚,因為食唔到有任何咸魚香..V__V
等左足足5分鐘都未見其他野上坮,隔離遲過我地到的一家人的西多士都食左一半..想叫個服務員黎追一下
佢就拎左碟白色的星洲米過黎....我地三個一睇見唔對路,就同佢講,我地要加辣唔係走辣喎~
佢就二話不說就拎返去廚房,我地又要再等過..
又等左一陣,差少少就發脾4,!
終於星洲炒米加辣同朋友的干炒牛河一齊上枱,朋友叫佢拎辣椒醬,我就叫佢地拎辣椒油,
朋友的干炒牛河可能係最保守最好味既款式~
而我的星洲米就感覺好差~有少少失望..
米粉又粹又濕,結撻撻,材料又唔多,又冇鑊氣,重要既係佢的所謂加辣,
就只係加多左咖喱粉,因為我食落口果陣,仲食到咖喱粉加水未撈混的感覺....噢..我的天..
見佢咁狀態,都唔敢有咁多要求, 拿拿林加少少辣椒油點下味, 食飽個肚就算了..
真係唔明點解朋友會話呢間老字號有鑊氣,好正好好食,,,
可能係佢晚飯小菜好得,下午茶就差少少掛!
題外話/補充資料：
雖然味道真係強差人意,不過都清晒成碟~!
我覺得就算係比較平宜的下午茶,都應該整得有誠意一D
食物本身係無辜的.理應珍惜..
(以上食評乃用戶個人意見 , 並不代表OpenRice之觀點。)
張貼
