No Money So Lonely

營業中

休息中

好嚴謹的餐廳，訂位要經WhatsApp，之後會send訊息有條link，早1-2日又要再confirm個出席。一早嚟到，六點已入座，安排座位都幾好，可以坐卡位，可能一早預訂，原來呢度有得訂蛋糕，好漂亮，下次有機會可以試吓。環境都幾好，好有特色，不過餐牌主要係字為主，好少食物相，可能係餐廳嘅style。但就難想像食物的款式，所以就上OpenRice度看看食家提供的食物照片。叫咗一個拼盤，炸蝦餅幾好食，熱辣辣，幾彈牙，叫咗個細，原來份量都多嘅，每人有兩件。Pizza有驚喜，有啲辣辣地嘅碎肉，幾惹味。不過份量比較多，可能我哋兩個人食，所以都好飽，食唔晒打包拎走。仲叫咗個蟹肉飯，同埋一杯芒果特飲，朋友話芒果飲品幾好味。不過用餐時間太短啦，只限90分鐘。而且催促你走，就算未有人。不過都冇辦法啦，因為係星期六嘅晚上，餐廳可以做多轉。