影片
更多
2014-05-04
15918 瀏覽
好几年無去紅煙窗食buffet嘞, 記得好好食！咁啱有朋友係4月份生日, 又提議去呢間食喎，平日$468位加一，十位以上有75折，送生日蛋糕或紅酒一支，咁抵食 ，我地即刻湊夠人數go go go...我遲到左少少，7點零開餐，合共自選7大碟嘢食，仲碟碟清呢 第一碟有生蠔 ，好鮮甜味美！長腳蟹 ，有點鹹味，肉質麻麻唔夠新鮮。三文魚刺身 ，師傅厚切好多俾我，肥美鮮甜。帶子刺身 , 大大粒，鮮味無窮，但每次只限兩粒啊……凍鵝肝多士 : 凍冰冰既鵝肝加唔脆既多士，囗感麻麻。細细碗既沙律 : 清甜可囗。第二碟有鐵板香燒大蝦 , 大蝦爽囗彈牙！蛋黄黄金蝦 ，炸得香酥，又有蛋黃既鹹香。黑松露河蝦仁蛋白春卷 , 卜卜脆，但同普通春卷分別唔大。熱辣辣鵝肝多士 ，多士香脆，鵝肝入口即溶唔膩囗。咖哩雞 , 雞肉嫩滑，咖哩汁夠幼滑。燒羊仔肉 , 嗜食羊肉既我都覺得有點兒羶，肉質鞋囗。厚批Pizza , 芝士濃郁幼滑，饀料豐富。焗青囗 , 鮮甜味佳。炸魚塊 ，啖啖肉。豬仔骨 , 肉質嫩滑入味。第三碟有沙律 , 食左甘多好嘢，係時候攞返d沙律菜，醒下個胃先！d 蔬果菜好新鮮爽
我遲到左少少，7點零開餐，合共自選7大碟嘢食，仲碟碟清呢
第一碟有生蠔 ，好鮮甜味美！長腳蟹 ，有點鹹味，肉質麻麻唔夠新鮮。三文魚刺身 ，師傅厚切好多俾我，肥美鮮甜。帶子刺身 , 大大粒，鮮味無窮，但每次只限兩粒啊……凍鵝肝多士 : 凍冰冰既鵝肝加唔脆既多士，囗感麻麻。細细碗既沙律 : 清甜可囗。
第二碟有鐵板香燒大蝦 , 大蝦爽囗彈牙！蛋黄黄金蝦 ，炸得香酥，又有蛋黃既鹹香。黑松露河蝦仁蛋白春卷 , 卜卜脆，但同普通春卷分別唔大。熱辣辣鵝肝多士 ，多士香脆，鵝肝入口即溶唔膩囗。咖哩雞 , 雞肉嫩滑，咖哩汁夠幼滑。燒羊仔肉 , 嗜食羊肉既我都覺得有點兒羶，肉質鞋囗。厚批Pizza , 芝士濃郁幼滑，饀料豐富。焗青囗 , 鮮甜味佳。炸魚塊 ，啖啖肉。豬仔骨 , 肉質嫩滑入味。
第三碟有沙律 , 食左甘多好嘢，係時候攞返d沙律菜，醒下個胃先！d 蔬果菜好新鮮爽囗。
第四碟有椒鹽琵琶蝦 , 勁大隻蝦，肉質彈牙爽囗。炸百花蟹鉗 , 香脆好味。清蒸比目魚 ，啖啖無骨魚肉超滑溜。炸子雞 , 皮脆兼雞肉幼嫩。鮑汁鮑片海滲 , 鮑汁勁入味，鮑片爽口，海滲炆得又腍又滑溜。炒飯 , 粒粒爽身分明。
第五碟有焗龍蝦天使麵 , 龍蝦肉好鹹，加上白汁既天使麵, 好creamy , 麵質幼滑彈囗。焗带子 ，味道唔錯，但食多隻就感覺over左同鹹左d。葡撻 , 香甜酥脆。熱情果焦糖燉蛋 ，果肉太甜太漏。鹹肉酥 , 酥皮鬆化。
第六碟有北海道牛奶布甸 ，牛奶幼滑, 但無咩奶味。紐約芝士餅 , 芝士濃郁，件餅唔會太實。Tiramisu , 有點怪怪既酒味，餅身有點濕潤。千層蛋糕、蛋白蛋糕 , 細細件，鬆軟幼滑。綠茶卷蛋、芒果卷蛋 , 香滑軟绵。士多啤梨杏仁撻 , 鬆脆可囗。朱古力撻、慕絲撻 , 太甜太漏了。楊枝甘露 , 細細杯易入口，惜淡而無味。
第七碟last了，輪到至愛既H記雪糕 , 雲呢拿曲奇味，曲奇碎碎溝幼滑雪糕，囗感一流！西瓜 唔夠甜。
餐飲自助式任飲, 有果汁、茶、檸、奶、啡等等。其實仲有好多款式未食㗎，如鐵板串燒、豆腐花、中西湯、西冷牛肉、辣酒螺、壽司刺身、蟹粥、凍蝦、凍龍蝦、馬卡龍、pancake...等數之不盡，實在太飽了，唯有下次再來也
張貼
