千両 (美麗華廣場1期)

營業中

休息中

上星期五約左個friend食飯，近近地去左尖沙嘴美麗華食壽司。7點去到，餐廳無乜人任坐，坐左卡位，首先叫左佢壽司并盤，原來新加左張點菜紙，自己填好比伙記落單都得。1碟20件壽司，有左口魚、拖羅、帶子、三文魚、軍艦等等，夠新鮮、厚，味道好。但2個麻甩佬食當然未夠飽，之後叫左2串豬腩肉同炸軟殼蟹。豬腩肉有少少肥，食落爽爽地幾正，而軟殻蟹炸得非常鬆脆，一啲都唔油膩。食野期間都有伙記不停加茶，服務算幾好。雖然唔算平，但又唔係好貴，適合朋友傾計既餐廳。