開飯主義

營業中

休息中

平時好少會入大埔，今次入嚟搵朋友，就同朋友試試呢間餐廳。坐低就見到厚厚嘅餐牌，食物選擇真係好多，睇落都好吸引，有選擇困難嘅真係花多眼亂，唔知點揀好🙈芝士炸雞焗麵包，加小食蒜燒骰仔牛同蜜糖雞翼。焗麵包呢個餐份量真係唔惹少，大大件炸雞加芝士麵包，仲有薯角，好邪惡✨又香所以好快已經清晒！小食嘅骰仔牛同雞翼都煎得好香，啱啱好！飲品我叫咗青蘋果薄荷檸檬沙冰梳打，飲落幾清新😝朋友就叫咗草莓果肉沙冰，草莓味味香濃又大大杯，抵飲👍🏻我哋坐卡位，座位都幾闊落，食下傾下就一晚，幾舒適👍🏻