凱富菜館 (已結業)

朋友由外地返咗嚟，特意過海揾佢跟住食個晚飯🍚，佢太耐無食香港嘢乜都話要食，最後選擇嚟凱富菜館，因為既有小菜又有潮州菜……正！我哋人唔多叫咗幾款，但份量好足，想叫甜品都食唔落，哈哈！， 下次一定要食反沙芋😆食物朋友就指定食(韮菜豬紅) 因為外國無得食🤣， 豬紅好入味又滑身值得讚😋👍🏻，(豬耳拼鹵水鵝) 兩者同樣好入味，豬耳軟硬度適中😋，而鹵水鵝🦃好香肉質夠淋, (肉碎仔粥)梗係唔少得，上枱時候已聞到湯底好香, 見到仔隻隻脹卜卜好肥美勁足料，湯底入口好甜好香大地魚味😋, 再加個金銀蛋🥚白菜仔……呢餐好滿足😊(韮菜豬紅)(豬耳拼鹵水鵝)(肉碎仔粥)(金銀蛋白菜仔)