名館 (已結業)

朋友升職加薪請食飯，約我到銅鑼灣的名館，位於希慎廣場地鐵站上面非常方便， 店內環境都算大， 最驚喜是晚上時分也可以食點心， 我們兩個人點了幾款菜式加點心，濃湯鮮蠔仔肉碎泡飯$88， 懷舊鵪鶉蛋燒賣$58， 銀湖天鵝酥$58， xo醬小瓜雜菌炒螺片$88， 風味口水雞$68。風味口水雞～ 這個是我朋友點的，他喜歡吃辣， 但對於我來說實在太辣了， 只吃了一兩件。銀湖天鵝酥～ 非常鬆化的天鵝酥， 入面是紫薯餡， 好好味，這個是我們當晚的甜品。xo醬小瓜雜菌炒螺片～ 很喜歡食翠玉瓜， 用xo醬來烹調非常惹味。懷舊鵪鶉蛋燒賣～ 現在很多舊式茶樓才有的鵪鶉蛋燒賣， 所以每次見到都會點， 雖然$58價錢比較貴， 但大大粒夠份量， 味道還不錯。濃湯鮮蠔仔肉碎泡飯～ 蠔仔脹卜卜，但可是鹹了一點， 如果味道可以淡返少少會比較好。多謝朋友的晚餐， 希望他快些再升職加人工，我又可以食多一餐。 第一次到名館， 感覺食物種類都幾多選擇， 啱曬我成日都三心兩意的人。