THE PONT (已結業)

呢間餐廳時常經過，每次都好想試，今次同朋友食飯，佢竟然揀咗呢間餐廳，開心到不得了。門口嘅裝修已經覺得好靚，入到餐廳內，簡直係覺得舒服、寬敞，三五知己聚餐嘅好地方。我哋點咗一個二人餐，好抵食。有西班牙風乾火腿烤菠蘿（本人已經好鍾意食菠蘿，菠蘿烤得剛剛好，又juicy)，松露忌廉牛肝菌意大利粉，白酒煮藍青口鍋，海陸滋味（牛扒大蝦配薯條），鮮果雪糕杯兩客，每一碟食物份量都唔細，食到我哋兩個攬住個肚，真係超飽。