銖記海鮮飯店

營業中

休息中

七月都幾多朋友生日，約埋一齊食生日飯。有人提議去跑馬地熟食中心的銖記，話幾出名喎！七點左右到，這日是星期四，都算多人噃。叫咗頭盤，豬手和蝦干青瓜。豬手真係幾正(全日推介)掛住食，記得影相時，只得返一件。人齊點菜，我冇乜意見，朋友發辦嗌馳名原盅雞炖翅，點知話冇盅頭，得返一窩窩。其餘叫咗蝦干小炒王，肉餅，椒鹽鮮魷，蒸埾子....結論〜除咗豬手外，其他真係麻麻 - 雞炖翅唔得，好普通酒樓貨式，好似溝咗水咁。其他餸，味係夠濃，但好似好多味精咁，個個食完都要嗌可樂去解一解。點解咁多OL嚟食嘅〜唔係幾健康噃。