影片
更多
2023-01-20
1096 瀏覽
重慶大廈，香港最有名氣嘅地方之一，傳聞起入面搞事就出唔番黎。黎重慶大廈梗係食印度咖哩啦！不過印度唔印度我就唔知啦，反正我食唔慣就係真啦。贈送前菜，脆薄餅加兩款醬，青色係薄荷乳酪醬，我覺得膠膠地有D似牙膏，朋友話ok，可見眾人口味不一。褐色嘅係酸辣燒汁醬(?)，ok啦。雜菜乳酪，洋蔥蕃茄加yogurt，一般貨色，yogurt味唔重。咖哩角，極不推薦，質地似牛糞，過度調味令食佢成件事變得好恐怖。見到薄餅之後，朋友都不禁指住話：「朋友，返印度食餅啦！」(設計對白) 估唔到$28有4塊咁大塊嘅餅，然而由於味道一般，食得有D煎熬，真係薄餅地獄。新德里薄餅，有D椰子味同有D我食完一個鐘後就極速忘記嘅味道。反映佢係幾咁平平無奇，一般貨色。咖哩薄餅，辣辣地，唔係幾香，一般貨色。芝士薄餅，比人瘋狂推薦，吹到天上有地下無。質素差過🍕hut嘅芝心批少少啦，非常失望。冇乜芝士味已經宣告死亡。瑪撒拉咖哩，說不出的味道，大家可以一試，之後大家一齊唔鐘意佢。新德里咖哩，甘甘地辣辣地嘅咖哩，不合我口味。芒果乳酪，一般貨色，乳酪味唔夠，我起supermarket求其買D乳酪都應該重味過佢。PS 朋友點嘅瑪撒拉奶茶聞落
黎重慶大廈梗係食印度咖哩啦！不過印度唔印度我就唔知啦，反正我食唔慣就係真啦。
贈送前菜，脆薄餅加兩款醬，青色係薄荷乳酪醬，我覺得膠膠地有D似牙膏，朋友話ok，可見眾人口味不一。褐色嘅係酸辣燒汁醬(?)，ok啦。
雜菜乳酪，洋蔥蕃茄加yogurt，一般貨色，yogurt味唔重。
咖哩角，極不推薦，質地似牛糞，過度調味令食佢成件事變得好恐怖。
見到薄餅之後，朋友都不禁指住話：「朋友，返印度食餅啦！」(設計對白)
估唔到$28有4塊咁大塊嘅餅，然而由於味道一般，食得有D煎熬，真係薄餅地獄。
新德里薄餅，有D椰子味同有D我食完一個鐘後就極速忘記嘅味道。反映佢係幾咁平平無奇，一般貨色。
咖哩薄餅，辣辣地，唔係幾香，一般貨色。
芝士薄餅，比人瘋狂推薦，吹到天上有地下無。質素差過🍕hut嘅芝心批少少啦，非常失望。冇乜芝士味已經宣告死亡。
瑪撒拉咖哩，說不出的味道，大家可以一試，之後大家一齊唔鐘意佢。
新德里咖哩，甘甘地辣辣地嘅咖哩，不合我口味。
芒果乳酪，一般貨色，乳酪味唔夠，我起supermarket求其買D乳酪都應該重味過佢。
PS 朋友點嘅瑪撒拉奶茶聞落似姜茶，很有趣。
PPSS 好唔好味唔係重點，重點係黎過。
PPPSSS 兄弟們，乾淨又衛生呀！！！！！
張貼
