GREEN

相約六位好友，一行七人去Green食晚餐, 已經係第三次到訪Green! 每一次都有唔同嘅驚喜，今次真係又驚又喜。一入間餐廳已經有人帶位，仲好有禮貌咁幫手推動座椅，waiter 好有風度！ 睇完餐牌之後，決定左蟹肉餅伴鮮蝦牛油果 Crab cake with shrimp avocado 做頭盤！ 賣相幾好，好鍾意食牛油果嘅我，全部食晒！ Main - 明爐雜錦海鮮配牛油汁- 我一向都好鍾意食海鮮跟住就即刻問雜錦海鮮包啲咩架?原來有蝦、帶子、八爪魚、三文魚同吞拿魚，但我食吞拿魚喎，waitress 就用左其他海鮮做替換。一聽到有得替換，幾位女士即刻異口同聲一齊換，因此而發生左一段換食物嘅小插曲，令呢餐飯多咗唔少話題🙊雖然我叫咗海鮮餐，但我比較欣賞朋友叫嘅炭烤美國頂級肉眼扒，Green 嘅扒可以，值得一試。Green 仲特意安排左綠茶甜品，清淡嘅綠茶味,內軟外脆嘅口感，幾特別。