泰發泰國餐廳 (已搬遷) 新店位置

友人話想食泰國野，等登黎到九龍城揾食。第一次黎呢道，真係好多泰國餐館，一時間都唔知揀邊間好，睇左一陣，覺得泰發最光猛，感覺上乾淨啲，就入去啦。仲早，只有三枱客，可以慢慢睇餐牌。店員有禮地放低一碟蝦片同清水，沒催落單呢。蝦片很脆，但有點過鹹。三心兩意，揀左好耐先落單，叫左唔係好多野，要留肚食糖水吖嘛。生蝦呢樣係泰國野必叫嘅，雖然對蝦敏感，但本死無大害，照食。蝦非常新鮮，爽口彈牙，配上生蒜頭同秘制醬料，真係好正。而蝦頭炸過後十分香脆，食得唔好哂，一於吞埋佢地落肚。冬蔭功湯（細）入面好多料，有蝦，菇，豬肉，蕃茄等。味道酸辣鹹，好過引。而且一點都不油，一口氣飲左兩碗，唔停得口吖。馬拉盞芥蘭芥蘭鮮嫩，但好鹹，炒得一般。串燒 （牛，豬，雞）食係上黎三樣都差唔多味，無乜特別。沙嗲醬最正，好香花生味，我欣賞碟醬料多過啲肉。唔知係咪泰國人天生特別温柔，個個店員都好好禮貌，又有笑容，叫佢地斟水都係笑住黎，慢慢食又無趕客，真係唔錯。